,,Танцувај – Без предрасуди” 2022
Анастасија Центар со отворен час во Градскиот Парк во Битола, го одбележа Интернационалниот ден на танцот (29.04.). Отворениот час беше од информативен карактер за начинот и пристапот на кој работи Центарот, повикувајќи ги сите заинтересирани да се приклучат на ова музичко – танцово доживување.
Традиционално секоја година, пред пандемијата, Центарот беше организатор на голем танцов хепенинг на Широк Сокак. На тој хепенинг заземаа учество сите танцови школи на град Битола, како и основните и средни училишта со своја танцова точка.
Целта на „Танцувај- Без предрасуди“ е да се подигнува свеста за вредноста на танцот, кој е линк помеѓу уметноста и спортот. Освен тоа што припаѓа на уметноста, тој е дел од нашето секојдневие, односно танц е секое наше движење дури и се сместува во спорт. Историски е докажано дека танцот е алатка со која се послужил народот за да ги изразе своите чувства, а воедно и да се дружи. Децата преку игра споделуваат искуства и другаруваат, а преку танцот ги пренесуваат своите емоции. Танцот е јазик на кој може да општува целиот свет . Сакаме да ги разрушиме бариерите и предрасудите, на родителите во Битола, за децата кои имаат талент и желба да танцуваат и да ги поддржат – танцот да стане нивна професија. Исто така сакаме да ја мотивираме машката популација во Битола да почне да танцува без предрасуди од самата околина.
Центарот е отворен за сите заинтересирани и прима членови во текот на целата година.
Повеќе информации на https://anastasijacenter.com/tancuvaj/ или на https://www.facebook.com/ANASTASIJACENTER .
0 Comments