На први јуни, во Домот на Културата „Иван Мазов“ – Климе, по 13ти пат се одржа Интернационалниот фестивал „Арт Ин“. „Оваа година на Фестивалот имаше 430 присутни и 65 онлајн учесници од многу држави: Србија, Црна Гора, Босна и Херцеговина, Хрватска, Бугарија, Романија, Украина, Франција, Полска, Израел, Грција, Молдавија, Кипар, Финска, Англија, Германија, Белорусија, Русија и Македонија. Фестивалот е еден од ретките кои спаѓаат во меѓународната светска Асоцијација WAFA и е член на UNICEF Klub“ изјавија организаторите Лазе Атанасов и Катја Михелкис.
Децата на Анастасија Центар добија Специјална награда и прво место со освоени максимални 100 бода , на Интернационалниот фестивал ,,Арт ин” со новата кореографија на Стефанија Милевска Враниќ, за големи и мали “Uprising”. Костимите ги изработи Анастасија Зулевска. Фотографиите се на Јелена Јанкуловска.
Прво место за Матеја и Илина, дуото на Анастасија Центар, на Интернационалниот фестивал ,,Art In”, со “Broken” кореографија на Стефанија Милевска Враниќ. Костимите ги изработи Анастасија Зулевска.
Вокалната група WTSMW (Welcome to Stefanija’s Music World) на Анастасиjа Центар, за прв пат се натпреваруваше на Интернационалниот фестивал ,,Art In” , под менторство на Стефанија Милевска Враниќ и го освои второто место. Костимите ги изработи Анастасија Зулевска.
Солистите на Анастасиjа Центар, Уна, Ема, Ева и Јована, за прв пат се натпреваруваа во соло пеење на Интернационалниот фестивал ,,Art In”, под менторство на Стефанија Милевска Враниќ и сите го освоија второто место.
0 Comments