Анастасија Центар дел од музичкиот перформанс на Стефанија и Владимир во Офицерски дом

На 12.09.2022 во Палатата на Културата во Битола – Офицерски дом, во рамките на “Бит фест“ – офф програмата, се одржа музички перформанс кој ја остави публиката без зборови. Емоциите предизвикани на овој настан траат и се раскажуваат со денови.

Самата тематика на настанот, гостите кои го збогатија, амбиентот и акустиката на просторот, направија оваа вечер публиката да се почувствува посебно.

Стефанија и Владимир оставаат печат на уникатност, топлина, љубов, авторска музика која допира до срцата на слушателите. Мултидисциплинарноста и комплексноста на целиот перформанс ги пренесоа длабоките пораки кои се кријат во самите текстови на песните. Нивната цел е поддршка и соработка со други артисти во областа на музиката и танцот, поради размена и кохезија на уметнички експресии и истражување на нови димензии.

Гости на настанот беа Дадони Трампет – на труба, Анастасија Центар – танцов перформанс и вокална изведба на младите пејачки и пејачи. Костимите ги изработи креаторката Анастасија Зулевска. Фотографиите ги потпишува Ивона Кочов.

Музичкото дуо „Стефанија и Владимир“ е македонско – српско дуо создадено во 2019та година. Во 2020та година започна процесот на снимање на нивниот музички албум „Трилогија“ на Стефанија и Владимир, кој се состои од 30 песни, и се снима во музичкото студио „Welcome to Stefanija’s Music World. Нивниот печат е електро-поп, рок, блуз и џез музика, со длабоки текстови кои посочуваат кон свесност, танцова експресија и препознатлив моден стил. Тоа е причината за учество на современи танчерки во нивните перформанси.

 Во 2021та година започнува промоцијата на аудио и видео записи („Healer”, „Нешто“, „Snow“, „Од душата не ми бегаш“ и „Ми фалиш“) од новиот музички албум, кој е симбол за верба, себеспознавање и вистинска љубов. Нивниот начин на презентација е автентичен, заради искреноста и оригиналноста која се пренесува од секојдневието кон уметноста. Стефанија е главен вокал, композитор, текстописец, аранжер и продуцент, а Владимир се јавува како гитарист, вокал, композитор, текстописец и аранжер. Периодов се доста активни со настапи и на српската сцена како Nisville џез фестивалот, Златар фест, студиски снимања за Muzzik tv во Белград…

Стефанија е професионална џез и поп пејачка, една од основачите на „Анастасија Центар“ Битола (Центар за музика, танц, мода и изведувачка уметност) каде работи како професионален музички педагог и кореограф. Таа е продуцент во музичката и видео продукција Welcome to Stefanija’s Music World, каде го има издадено првиот музички албум „Ретро – Перспектива“ како солист.  Владимир е професионален кошаркар и гитарист, кој своето знаење го стекна од познатиот гитарист и композитор Радомир Михаиловиќ – Точак.

Новости

ПРВО МЕСТО ЗА „ИСЦЕЛИТЕЛ“ НА АНАСТАСИЈА ЦЕНТАР НА ИНТЕРНАЦИОНАЛНИОТ ТАНЦОВ НАТПРЕВАР „STAGE INTERNATIONAL DANCE COMPETITION” ВО СКОПЈЕ

Мјузиклот ,,Исцелител” во продукција на Анастасија Центар со 30 учесници го освои првото место во категорија Мјузикл за деца. Кореографија и музика потпишува Стефанија Милевска Враниќ.

Уписи во Анастасија Центар 2022/23

Повикот за уписи е до сите кои сакаат да танцуваат, да пејат и да ја се развиваат во полето на сценската уметност. Исто така се повикуваат сите стари членови кои повторно сакаат да продолжат да бидат дел од Центарот.

Oтворен тренинг со Flow & Movement Concept Training на фестивалот Парко 2047

Како дел од овој разнолик фестивал беше и Анастасија Центар со Концептот на тренинзи за возрасни. Овој концепт го активира секој дел од телото и ја подобрува мобилноста, еластичноста, ослободува од стресот, зацврстува, го балансира дишењето и помага за пронаоѓање на сопствениот центар. Тренинзите се наменети за мажи и за жени. Пријатна атмосфера со музика и комбинирани техники на тренинзи кои имаат за цел постигнување на физички и умствен баланс.

Стефанија & Владимир со музички перформанс на Нишвил Џез Фестивалот

Како дел од фестивалот на 12.08.2022 на Младинската Музеј Сцена, со музички-танцов перформанс, настапија Стефанија & Владимир. Танчерките во нивна придружба, Ангела Петровска и Сања Лазаревска се дел од Анастасија Центар (Центар за изведувачки уметности, мода, музика и танц) - Битола. Костимите ги изработи модната дизајнерка Анастасија Зулевска.

Со музички перформанс на „Солстис“ Стефанија и Владимир го празнуваа денот на Музиката

Вчерашната музичка магија на Широк Сокак пред Киното Манаки, беше музичкиот перформанс на Стефанија и Владимир, збогатено со танцот на заштитните лица на Анастасија Центар (Ангела, Сања, Емилија и Анастасија).

Летна Школа во Анастасија Центар – 2022

Во текот на летниот период вратите на Анастасија Центар се отворени за сите љубители на уметноста и спортот.

Школа за музика, танц, концепт на тренинзи, мода.

Музичко студио и изнајмување на простор.

Со „Танцувај – Без предрасуди“, Анастасија Центар го одбележа денот на танцот

Анастасија Центар со отворен час во Градскиот Парк во Битола, го одбележа Интернационалниот ден на танцот (29.04.). Отворениот час беше од информативен карактер за начинот и пристапот на кој работи Центарот, повикувајќи ги сите заинтересирани да се приклучат на ова музичко - танцово доживување.

Коментари

0 Comments

Submit a Comment

Your email address will not be published.