Промовиран првиот видео запис на Ања Мицевска во Анастасија Центар

На 26ти декември, за време на Новогодишниот концерт во Анастасија Центар, Ања ја имаше својата промоција за песната “За Нас” . Овој настан беше совршена платформа за претставување на нејзиното првенче пред пошироката публика, давајќи и можност да го сподели својот музички талент.

Во видео записот покрај Ања учествува и танчерска група од Анастасија Центар: Матеја Стојчевска, Уна Димовска, Дејана Магденовска, Мартина Ристеска и Илина Мартиновска, чија улога во проектот е да го збогатат визуелниот и уметничкиот аспект на песната.

Ања, заедно со талентираниот тим од Анастасија Центар од Битола кој работеше на овој проект, создаде и видео запис за песната “За Нас“. Стефанија Милевска Враниќ стои зад кореографијата, сценариото и режијата, додавајќи дополнителна длабочина и визуелна привлечност на приказната. Нејзината работа со Ања на видео записот за “За Нас” е само уште еден пример за нејзината непоколеблива посветеност кон развојот на младите таленти и промоцијата на нивните дела на поголема сцена и уште еднаш покажа дека е најголемиот поддржувач на млади таленти и уметници од  Македонија.

Особено внимание заслужува костимографијата, дело на Анастасија Зулевска, моден креатор од Битола. Нејзината креативност и способност да креира визуелни приказни кои ги дополнуваат музичките тонови е евидентна во секој детал од облеката на уметниците.

“За Нас“, музичкото првенче на младата Ања Мицевска од Битола, е вистинска оддаденост на младешката енергија и креативност. На само 13 години, Ања со зрелост и професионализам го истражува светот на музиката, давајќи ни прекрасна урбана приказна за првата љубов, првиот занес и тие слатки копнежи кои се присутни во периодот на тинејџерските години. Чувствата кои го следат зачекорувањето во светот на возрасните, во нежен стил, се пренесени во текстот напишан од Ирена Мирчевска Љац и Јулиа Мицевска. Нивните зборови совршено ги доловуваат емоциите и предизвиците при преминот од детството кон возрасноста.

Музиката, компонирана од Горан Мицевски Кус, е динамичен прогресив хаус кој веднаш го освојува слушателот. Со својата заразна мелодија и ритам, оваа песна ветува да остане запаметена уште при првото слушање.

Владич Бошковски, задолжен за снимањето и монтажата на видео записот, донесе професионализам и уметничка прецизност во завршниот продукт, кој беше снимен во просториите на Анастасија Центар.

“За Нас“ на Ања е достапна на нејзиниот YouTube канал, каде што може да се преслуша и да се види видео записот, како и на сите дигитални музички платформи. Оваа песна не само што е музички ужиток, туку и вистински светлосен зрак во светот на младите таленти, покажувајќи дека возраста не е пречка за креирање на нешто волшебно и инспиративно.

Новости

Анастасија Центар танцуваше со љубов за Пелистер на Кошаркарскиот Kуп на Македонија

За забавниот дел на полуфиналето и финалето на националниот кошаркарски Куп, беше задолжена танцовата група на Анастасија Центар, која настапи со 12 точки за време на паузите, под менторство на кореографката Стефанија Милевска Враниќ.

Анастасија Центар во Србија организираше часови за модерен и современ танц за деца

Анастасија Центар од Битола, по втор пат успешно организираше часови за модерен и современ танц за деца од 3ти до 11ти јануари 2024та година. Поврзувањето на двете култури и иницијативата за почеток на Анастасија Центар во Србија е со поддршка на Центарот за...

11 КОРЕОГРАФИИ И МНОГУ НАГРАДИ ЗА АНАСТАСИЈА ЦЕНТАР НА ИНТЕРНАЦИОНАЛНИОТ НАТПРЕВАР ВО МОБ -„STAGE”

На 18ти ноември во Македонската Опера и Балет се одржа 5то роденденско издание на Интернационалниот танцов натпревар „Stage". На овој натпревар учествуваше и Анастасија Центар, заедно со учесници од Србија, Бугарија, Романија, Хрватска, Белгија, Турција, Косово....

Од Битола до Њујорк – овации за „Иновација“ на Анастасија Центар

Во Народен Театар Битола на 06.11.2023, се одржа премиерата на музичко - танцовиот перформанс на Анастасија Центар, по повод 4ти ноемвири - Ослободувањето на Битола. Позитивниот фидбек и овациите на публиката се највисоката оценка за оваа креација. Нешто што не и...

,,Иновација” – музички и танцов перформанс на Анастасија Центар со премиера во Народен театар Битола

Сите битолчани, љубители на уметноста, ќе имаат прилика на 06.11. во понеделник од 20ч., во Народен Театар Битола, да присуствуваат на премиерното издание на музичко - танцовиот перформанс ,,Иновација" на Анастасија Центар. Кореографија, режија и музика потпишува...

Битолските таленти пееја, свиреа и танцуваа со љубов за Бобан

Денес, на 14.10.2023 од 11:00-14:00 часот, на плоштад Магнолија, се оддржа хуманитарен концерт за Бобан, со цел да му се помогне на овој млад живот и татко на две малолетни деца да се избори и да се излекува. Анастасија Центар заедно со Стефанија, го поддржа овој...

Таленти и многу љубов на концертот „После дождот доаѓа сонце“ во Анастасија Центар

На 22ри септември во Анастасија Центар се одржа музичкиот концерт „После дождот доаѓа сонце“ на вокалната група Анастасија Центар, од класата на дипл. музиколог и поп/џез пејачка Стефанија Милевска Враниќ. Силниот аплауз и позитивната енергија, беа одговор на...

Музички концерт „После дождот доаѓа сонце“ во Анастасија Центар

Музички концерт „После дождот доаѓа сонце“ на вокалната група на Анастасија Центар, од класата на дипл. музиколог и поп/џез пејачка Стефанија Милевска Враниќ.Локација: Анастасија Центар (Шар Планина 27) Дата: 22.09.23 (Петок)Време: 19ч.Влез слободен Концертот ќе ја...

Уписи во Анастасија Центар сезона 23/24

И оваа сезона уникатниот центар за уметности „Анастасија“, врши уписи за сите возрасти! Активности кои можат да се посетуваат: Танц (модерен балет, џез и современ танц) Пеење (соло или во вокална група) Тренинг за возрасни (Flow & Movement Concept training)...

Коментари

0 Comments

Submit a Comment

Your email address will not be published. Required fields are marked *